虎X堅廢

打算一月份回澳，上虎X 睇它的機票，之前參加它的馬拉松有一張700元的機票折扣，看清楚我買的期間是絕對符合可使用這張700元折扣卷的，怎知道虎X 真的非常狡滑。

第一次我只是普通地用Browser登入去搜尋，並想要在結賬時使用這張折扣卷，奇怪在它的結賬頁面和它如何使用折扣卷的教學是不一樣的，你並無法找到折扣卷輸入的位置。

於是我另外開一個私密瀏覽並且是英文介面的，在我沒登入會員的情況下，這個折扣卷碼輸入的地方就出現了。

經過我將番嘗試之後，我放棄在虎X訂而去了長榮，兼之長榮比虎X更便宜而本身也有30KG的選擇。

為什麼呢？因為虎X 折扣卷的使用和會員儲miles是不能共存的！你可以不登入會員去買，但當中它會問你你的會員號碼，當你一輸入了，短時間內它就會自動記起，即使沒登入，輸入折扣碼的地方仍不會出現！我之前就寫過一篇Blog講虎X 智障，又要讓會員儲miles但又要搭乘之後靠會員自己記得去手動登入，一間航空公司，雖然是廉航但也用不著做得那麼寒酸吧？！真心佩服在網上寫到教學，讓大家明白怎樣用miles去換機票的人，當然，我還沒看過是虎X的。

最後，我以6千出頭的台幣價買了長榮，這次是我第一次買長榮的機票，因為它本身不是廉航，令我一直有個錯覺是虎X一定任何時候都會比它便宜，如果不是這次我一怒之下放棄虎X，也不會發現原來我腦內想法並不是正確呢！（虎X在我買的期間要7千多，而且機餐、20KG以上的行李都要加錢，相反長榮是自帶30KG），希望我的搭乘體驗會很好！

2018投資組合總結

本來並不想做一個投資總結，不過想想一直只投入而不回顧、反省似乎是警剔不了自己。

目前的投資組合如下：
00003 中華煤氣，2200股，成本價13.23
00066 港鐵，成本價503, 44.37
00700, 騰訊100, 成本價383
01038, 長江基建 1500, 成本價64.63

我算係投資新手，好在3號仔是我投資組合中占比較大份，但即使是這樣我的帳目仍然是虧損的。回顧這些我買入的股票，其實他們都未到我心目中的買入低價，但上年股市情況不錯的時候，我就是忍不住手買入了，比如1038 我當初是計劃 58是我買入它的價錢，港鐵我預期44樓下是我買入它的價錢。買入之後遇上股市下行和中美貿易戰，好在我的心態都是中短期地持有，這些資金我並不急著套現，如果不是真的是虧大了，呢個衝動入市使我每一次望自己的組合都想起要忍手、等待，有資金又肯等又何妨怕沒時機入市呢？


整個組合之中，我最想脫手的就是騰訊，怪就怪自己曾經短炒一次獲利3千多元，食髓知味的情況下在自以為700低價時又入手了一股，雖然對比一坐十年既投資者，我這一手騰訊只持有了不到半年左右，算是買了一個教訓，希望我可以番到家鄉，不用虧太多啦！

在我看其他人的網誌時，發現了一位人兄在2011年時利用政府派的6千元買入了一個股票的碎股，並且紀錄了這筆碎股的每年增長，可算是非常有趣，我也計劃學習，在政府派錢之後買入一種入門價低的股，作一個至少是短期的投資觀察。

狡猾的tigerair 與 agoda

成日見人提起用飛行哩數換左機票，真係羨慕死我，所以我每次買機票都會登入會員帳號再買。

成呢一兩年都至少每年坐兩次虎航，但按入去睇竟然一點miles都無，心諗無理由嫁！我明明次次都登入仲剔埋會員戶口同埋買機票冒都係同一人。點知我再細睇原來佢並唔會自動將你買左機票相應所得的換成miles入落你會員戶口，而係要飛完果程，自己登入再將個訂單編號打入去，變成下次買機票可以有幾多錢的折扣。 於是乎我就搵番我今年年初 2月份果陣既itnerary出泥入左個訂單編號試試，明明都成 3個月前但竟然得左！咁下次買就可以折幾十蚊咁。  

其實咁大間公司，雖然係廉航但洗唔洗用D咁既trick呀？人地買張機票登入左會員，你自動將佢折成現金下次買有優惠好難咩？用D咁既小技兩。


另外一個就係agoda，而家佢變左唔再係以前既積分制，之前明明有幾百蚊現金折扣但我又忘記左用，咁都無法啦！但佢都有樣好鬼鼠，明明都係要回饋俾你，但佢唔會自動做，你有打勾就有，無就扮無事，升斗市民，想要少少回贈都咁有陷阱。 

俾錢前真係要睇清楚，唔係大意失回贈。

再次買入一手1038 和 收息

5月15號，以 60.95 買入一手 1038.

真係衰心急，只係等多一兩日佢就已經穿左 60 去到現價 57.95.

所以話，如果手上係有資金的話，唔怕你買唔到，最怕你無耐性。唔止一次既教訓都令我錯過左溝貨好價。


另外，係 5月 31號 收到 1038 （長江基建） 1686 現金利息。
6月25號收到 0003 （中華煤氣）440 現金利息 加 200 紅股。

買入1038一手

以$65的價位買入一手1038

發財立品

買賣700賺左少許，做番D善事。

每個人關注、想幫助既群體都唔同，我就好鍾意動物但屋企人唔俾養。
所以選擇呢個機構 http://www.tnrtw.org/  社團法人臺北市支持流浪貓絕育計畫協會

希望大家2018在股市上都有大收穫，而我既投資知識都會有增進啦！

賣出一手騰訊700

17年11月17日  以399.4 買入左一手騰訊，短短一兩個月經歷左佢跌到去380, 持有左兩個幾月終於以450.2賣出左手上只有一手既騰訊。賺左4千六百蚊左右。

其實並唔係等錢洗，只不過騰訊有時上落十幾蚊發現真係好影響心情，決定賣左佢。由我係連登追月供post到我賣騰訊，今次係我第一次賣出股票（有點新手的興奮），我亦從來無月供過，都係一手一手買，心態我諗我都有排練，更唔好講買熊牛、睇圖，真係齋聽無明。

等遲點QQ再跌再諗諗佢。（又或者無機會啦⋯⋯⋯⋯