2021年12月25日，今年的聖誕節，決定給自己一個新的開始。
其實中學時已經想學色士風，但嗰時太後生，個人坐唔定，翻翻下都未到分學咩樂器，已經走咗人。
中學嗰時咁啱睇咗交響情人夢，都有學過下鋼琴、玩咗陣結他。不過又係衰太後生，同埋無咁多錢，自己單一個人學。我諗人真係有心做一樣野，係唔駛又話夾邊個又等埋邊個。
除咗兩三次半途而廢的經驗，仲有一個由細到大的陰影，就是我從小學開始，我樂理筆試未合格過，呢樣真係令我一直認為「我唔會學到音樂，我根本無天份」。
到今日試咗堂，第一堂有吹響到吹嘴，啊SIR又好簡明咁教咗我少少睇譜，同俾我練咗一兩小段。言談間啊SIR俾咗信心我，而且對方又係一位有帶樂團經驗的長者，嗰種不急不噪同溫文，目前俾我的感覺幾好。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝見到身邊的朋友由19年 4月，疫情後無耐就開始打鼓，到依家都玩咗年半，進步好快。我都心私私係到諗，我又得唔得呢？堅唔堅持到呢？
COVID-19，呢個疫情改變了好多人的生活、好多人的習作同認知。但暫時係我身上都係正面的影響。
暫時紀錄住，我呢個小小的開始。
「若你真祝福我，求你擴展我的疆域，求你常伸手扶助我，脫免災難，不受痛苦。」編年紀(上) 4:10
