短炒騰訊（700），尋找投資新方向，買基金

 

又一次短炒騰訊，8月17日 @506買入一手，之後係8月24日以 @537.5 賣出。賺2776.96

睇翻今年，我曾經兩次短炒佢

100@548，@564賣出

100@506，@537.5賣出

其實有比佢更好既選擇，不過佢又真係好大隻同埋上落幾十蚊，好刺激。咁當然啦，投資正路應該係以搵到錢為最重要前提。

睇翻我第一次買佢，係2017年11月17日，當時股價係399.4 。如果我忍到悶同埋唔追求刺激，無去做左由17年到20年期間嗰四次短炒既動作，我所得到既回報應該會比而家多。

每次都只買一手，一黎係因為我細膽啦，二黎係因為我唔太識去到邊個位止賺或者開始評估到有風險。

不過如果佢之前又大跌到一個相對低既位，下次我可以會大膽啲。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

因為疫情既關係，恆指都係係咁上下位置反覆，覺得自己係投資方面都唔係好知點做下一步，暫時又去唔到香港開美股戶口。悶悶地既情況之下，我就買左一份安聯基金，少少地用十萬蚊本去試下先，而基金經理亦都話過往表現有 6至8厘既表現。

多聽日買股票，但就好少聽到人講買基金，我暫且試一試。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

恆指=騰指?

恆指真係騰指黎，人地一日升41蚊，恆指都由上星期350幾升翻上380。痴線

又係騰訊

騰訊真係好癲, 一日可以成30蚊上落。

大家都好明顯知個股市同個社會經濟實際狀況好似平行時空咁，啊爺要托就梗係托中資。

我本身都唔想冒住接火棒的危險去玩 700 ，但忍左好多日，見佢由430 去翻480，480破埋 500。我都係把心一橫決定入場湊下熱鬧。

當日以548入左一手。中間經歷佢由548 跌到去521。而我亦都一早set左564為目標價沽出手上呢一手騰訊。



(2020.07.21 截圖, cap時三點未夠佢已經去到555，到去到四點，佢掂到下568又去翻564)
===================================================================

過往我都曾經短炒過騰訊，賺咗少少錢。
1. 399.4入  450.2 賣
2. 383 入  398.6 賣
(最新)3. 548入 564 賣



雖然都睇左D 人地既影片分享同埋講投資既書，不過我又覺得香港呢個市已經唔係技術分析到就玩到，最慘既係因為疫情，我亦無辦法去香港開美股戶口，唯有焗玩港女。


由2017年開始玩港股，體會到要唔好夠膽輸唔夠膽嬴，到價就買，寧願賺得少都好過無呢種紀律都係重要既。

希望香港既疫情可以快D消息。亦都希望真香港人可以爭取到佢地想要既野啦 !