儲唔到錢既 2020年

 

雖然而家好多野都去紙本化，但我個人仲係鍾意打簿，而且電子系統有佢查詢既最後時限，未必經常可反回你想查既時間點。

2020年過去，我突然醒起翻轉頭睇，發現自己由2020年3月疫情開始到2021年既 2月，原來自己基乎洗曬由2020年 9月到 2021年 2月既糧咁濟，無旅行去既日子，反而用得更多錢！

回想上年 3月疫情啱啱開始，正正因為關係屋企邊到都唔去得，連條街都唔多人，於是就發起癲黎一次過訂左兩個袋。

到可以復工一段時間，又再陸陸續續買左4個袋😅😅😅 到今日我計一計，原來自己由疫情開始至少買左 6、7個袋，真係好誇張！所以話疫情後有報復性消費，我真係完全同意！而身邊有唔好買袋既女性友人一係就時不時 staycation，一係就洗錢去本地各大酒店做spa😂😂

除左買袋之外，今日趁住疫情又洗左一筆錢去考車、學車。又另外join左一D美容院既療程，用係可以慢慢用，不過錢就一次過俾曬。

無得去旅行，反而洗得仲多錢⋯⋯希望我下半年可以儲翻起人工7至8成，（唔好驚訝，我剛出來做野果幾年確係做到，呢筆錢亦成為左我買股票既資金）

2021年1、2月港股、美股投資 update

 

2021.1.11 賣出手上持有 2000股@28.2 的2800，獲利10822.5 加上1392股息一共賺到12214.5。

呢2000股2800係我係2020年3月疫情岩岩開始果陣買，除去之前長揸變短炒好戇鳩咁賣出騰訊果幾次，唔知點解我覺得呢次好似係我第一次賣股票咁。但都明白自己一下賣曬太快手，唔識分段獲利，因為2800到今週收市係去到30.8呢個位。

我買入既派息基金，1、2月各收到656.62蚊港紙，而除左息，基金也有賺到。

原本想港股全走去玩美股，不過發現兩邊都玩都唔錯，部分持有既港股有帳面獲利但都未到我想賣出既價位，所以仍然可以放住係到先。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

開始投入美股，暫時持有以下股票：

ARKK @ 45手

VOO @ 35手

TSLA @ 10手

FB @10手

NIO @100手 （又係衰弱智，心諗唔想煩一次過買左100，但佢就Keep住陰跌，來回妹）