高追？一手騰訊（700)

上星期五用399.4高追？左一手騰訊，用40103.8買入1手100股。

講話高追其實大家都唔知佢仲有幾多上升空間，但我由3,4月唔敢買一路望住佢由270升破300再到最近，385小回左一陣都唔敢入，到依家佢要破400, 我心諗真係寧願賺小都唔想再得個望字，到今日11月20日，700由我買入果日已經升左5,6 蚊至少，本來打算好無志氣咁短期持有，賺得一千都叫賺，但睇番大家都話等佢拆細，同埋14年時700曾經一拆5再走到今日，係我暫時未有流動資金再入多一手700既情況下，考慮緊係咪應該要持有長點既時間。

呢個世界係無早知，當初岩岩開始想買股票時，睇中匯豐，但又覺得4萬幾蚊一手好貴，結果依家佢已經去到70幾蚊，當初有買既就已經賺左唔少，更反智係當初覺得4萬幾一手貴既我後來仲買入左1038.


---------------
股票新手一名，今日先岩岩知道可以係ticker到一個叫增加股制既功能紀錄自己既利息收入。

目前手上持有既股票基本上都會係出年3月再宣傳派股息，期待！

買入1038

以68買入一手1038.

自問對於經濟和投資真係初哥都不得了，由想開始投資理財，比做定期存款更積極咁去令自己財富增加開始就開始留意人地論壇和BLOG既投資分享。

到而家都只係明左好皮毛既概念，亦留意到有幾隻大家都覺得長遠泥講係無得輸既股票。我當然都明白人地咁講姐，都未必係。不過我目前有既3,66,1038都係睇完人地既分析、論壇既貼似懂非懂咁買番泥。

講咁多廢話其實係買完之後見佢又跌得更低，個價又成日妹下妹下，岩岩先買左都已經有點懷疑自己其實係咪應該買823而唔係佢。

唯有得閒睇下書再學多點投資既知識和等佢升番上70上再睇下點啦。

開始投資股票之路及手上持有股票

作為一個剛出社會工作的少女，覺得搵幾多儲幾多退休生活會很令人擔憂，所以係2017年大概3、4月左右開始係討論區到接觸到月供股票呢樣野，慢慢開始留意，經過幾番思量由最初打算月供改為睇岩價就一手一手買入。

現時持下股票如下:

19/7  以 $44.4 買入 港鐵(66) 一手
25/8  以14.56  買入 中華煤氣 (00003) 兩手