又一次短炒騰訊，8月17日 @506買入一手，之後係8月24日以 @537.5 賣出。賺2776.96
睇翻今年，我曾經兩次短炒佢
100@548，@564賣出
100@506，@537.5賣出
其實有比佢更好既選擇，不過佢又真係好大隻同埋上落幾十蚊，好刺激。咁當然啦，投資正路應該係以搵到錢為最重要前提。
睇翻我第一次買佢，係2017年11月17日，當時股價係399.4 。如果我忍到悶同埋唔追求刺激，無去做左由17年到20年期間嗰四次短炒既動作，我所得到既回報應該會比而家多。
每次都只買一手，一黎係因為我細膽啦，二黎係因為我唔太識去到邊個位止賺或者開始評估到有風險。
不過如果佢之前又大跌到一個相對低既位，下次我可以會大膽啲。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
因為疫情既關係，恆指都係係咁上下位置反覆，覺得自己係投資方面都唔係好知點做下一步，暫時又去唔到香港開美股戶口。悶悶地既情況之下，我就買左一份安聯基金，少少地用十萬蚊本去試下先，而基金經理亦都話過往表現有 6至8厘既表現。
多聽日買股票，但就好少聽到人講買基金，我暫且試一試。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
沒有留言:
張貼留言