原本我因為唔想虧係手續費到，所以一直諗住搵一日就去香港開戶，等自己每次買，都只需要俾1蚊美金就得，點知一黎因為工作關係，再黎就因為疫情，原本都諗住上年2、3月爆，6、7月可能會去到香港，點知2020年過去喇，我錯失左一年既投資美股時間。
而睇翻我之前既網址，我因為覺得作為一個投資新手，感覺自己好似去左瓶頸位咁，就抽左十萬出黎買安聯既派息基金。而家已經投入左美股市場既我，講話少少唔後悔都無就假既，不過向好諗，唯有安慰自己，至少佢係保證6厘既派息，而當時我買入價係0.943，而家呢隻基金既價位已經去到1.038，都叫有息有升啦。
＝＝＝＝＝＝＝＝＝＝＝＝＝＝＝＝＝＝＝＝＝
睇翻我之前港股大跌、美股溶斷時既操作，其實真係好散戶、新手，當然而家都係啦。買親港股都係一手起兩手止，而且成個組合都太分散，息率又唔好，所以黎緊2021年，我會搵機會精簡我既港股持股，有信心果幾隻，就會大大力屌落去。
目前我已倉入面有3，66，270，1038，1113（博升操作），1883，2778，2800同6618。
2800 係我係疫情爆發開初買落既，均價係22.72，可惜買得太少得2000股，而家佢去到28蚊呢個位，我都差唔多會發佢走。
6618呢隻係跟朋友口水買黎想短炒，結果我172買入，一買就坐艇，搞到成個人都好唔健康，又係啦，翻到家鄉我就會放左佢。
港股我黎緊既煩惱係選股，到底要集中係邊兩三隻到，雖然美女都開緊，但仍然有人玩港股賺到錢，咁好明顯係我功夫未到家。所以港股呢個市場我都未想放棄住。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
又講下美女，因為始終係我唔熟悉既國度，未去過，唔知有咩係佢地生活中老是常出現既公司（咁johnson, 3M, coca cola之類都叫知既），所以我都擇日上左契，買入 arkk，不過同雲地比好明顯我係散戶又無咩彈藥啦，這邊箱我係127.02 同 124 各入左5股，那邊箱我就見到雲地一次126 買左200股。成廿萬屌落去。一黎我手頭資金未有咁多，二黎呢個美股戶口係我新開既，一下未放咁多資金入去，而家唯有等佢再回調啦！
之後我係尋晚1月8日再買入左 20股 VOO。
而家美股我都諗緊，再加一至兩隻咩股好，希望一開始就諗清楚，唔好放大多股入去，搞到分散左個獲利。
2021年，希望到年底我再回望，個回報會令我訓著都識笑啦！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
每一個投資者，都有一個財務自由夢，財自左之後，想做既野都各有不同，而我追求財自，我希望若果我 40時做到的話，我諗我會去讀phd，master 畢業果陣份論文俾我既打擊太大，覺得自己不如自己想既有才華，又怕一意孤行到時會貧病交加，死係街頭，後來我諗，咁倒不如先追逐金錢，之後再翻去讀書囉。
唔知我到 40歲係咪咁諗，不過呢一刻，我仍帶住未個係讀博路上未竟全功既遺憾。
